TUENEZENI AMANI

UONGOZI SIO CHAMA

Ya mgambo imelia, hodihodi naingia

Sina kinyongo kabisaa, nimekuja kwa uzuri

Ule muda umewadia, ya kura kuwapigia

Uongozi sio chama, wa kukufaa chagua

Waziwazi nitasema, hili sitanyamazia,

Siku hiyo raukia, wa manufaa chagua

Lisa Ni kulirudia, pale tulipokosea

Uongozi sio chama, wa kukufaa chagua

Miaka na mikaka, tumeumia kwa Hilo

Kweli tumeambulia, kwa wasiotusaidia

Magari wanatembelea, maskini tukiumia

Uongozi sio chama, wa kukufaa chagua

Ahadi za kutuhadaa, hela kutumwagia

Halafu tuhadaike, kura tutawapigia

Mitini wataingia, yetu watapuuza

Uongozi sio chama, wa kukufaa chagua

Beti tano nakomea, wosia kuwapatia

Hekima nimewagawia, ili msije jutia

Kwa makini zingatia, time kupiga hatua

Uongozi sio chama, wa kukufaa chagua